Njaalâ lii Meccihaldâttâs Luándupalvâlusâi ovdâsvástádâsšlaajâ. Meccihaldâttâs oovtâstpargokuomijdiskuin ráhtá jyehi ive njaalâpiäjui tärhistmijd šlaajâ tile selvâttem várás. Moonnâm ive iä aiccâm oovtâgin pessim. Oovdeb visásmittum viälppáid pyevtittâm pessim lii paijeel muáddilov ive keččin.
Ive 2018 tälviv já keessiv rahtii puohnâssân 357 tärhistmijd 247 tobdos njaalâ piäjun. Iänuduvâst pahudii uđđâive-kuovâmáánu ääigi ohtâ njaalâ kevttim piäju. Loppâtäälvi já keesi ääigi piäju ij lamaš innig assum.
Toos lasseen njaalâst rahtii Iänuduvâst já Ucjuuvâst maaŋgâid visásmittum uáinimaicâstuvâid sehe epivisesin pááccám luoddâaicâstuvâid.
Säpligij já kozzsäpligij mereh lijjii uccááh, já meid riämnjáh ađai njaalâ kištottelleešlaajâ lâi tuoddârijn čielgâsávt ucceeb ko ive 2017. Aicâstuvâid piäjuin aassâm tâi jotteem riämnjáin čallii puohnâssân 34 sierâ piäjust, toos lasseen käävci piäjust lijjii meerhah piäju kuáivumist mutâ kuáivoo paasij epivisesin.
Meccihaldâttâs njaalâregisterist láá 334 njaalâ-/riämnjápiäjud, main pajeláhháá 100 piäjud láá nuuvt hyeneeht koččum, ete toh iä innig lah jyehi-ivváá tärhistemtooimâ pirrâduvâst. Kietâruottâs kuávlust tärhistmáid uásálistii Meccihaldâttâs lasseen Luánduriggodâhkuávdáá pargeeh já rijjâtátuliih.
Oovtâstpargo Ruotáin já Taažáin
Ive 2017 aalgâst vuolgij joton Suomâ, Ruotâ já Taažâ ohtsâš kulmâ ive pištee EU ruttâdem Interreg Nord ”FELLES FELLREV NORD”-haahâ njaalâ suojâlem oovdedmân. Haavâ váldukoordinaattor lii Ruotâst Norrbotten läänihaldâttâs já Suomâst mieldi lii Meccihaldâttâs Luándupalvâlusah.
Haavâ tehálumoseh ulmeh láá Fennoskandia njaalânääli nanodem, ohtsij toimâvuovij ovdedem njaalânääli čuávumân já suoijâlmân sehe tieđettem njaalâ merhâšuumeest tuodârluándu tile indikaattorin.
Ive 2018 haavâ keevâtlâš toimân láá iärásij lasseen riemnjispivdo, njaalâi lasepiemmâm já
čuávvum pehtilittem. Lasepiemmâm máhđulâžžân tohâmist lii mieldi meid WWF. Haavâ mield meid vuossâmuuh WWF škovlim rijjâtátuliih uásálistii njaalâpiäjui čuávumân.
Lasetiäđuh
Pajetärhisteijee Tuomo Ollila, puhelin 0400 241448, šleđgâpostâ tuomo.ollila(at)metsa.fi
http://www.fellesfjellrev.se/om-felles-fjellrev/
Lahtosin orroo kove uážžu kevttiđ ääši uđđâsij ohtâvuođâst.
naalinruokinta-automaattia huoltamassa Kuva Aimo Leppäkangas Metsähallitus.jpg
Koko: 2,66 MB Tyyppi: jpg Resoluutio: 4608x2240naalinruokinta-automaattia huoltamassa Kuva Aimo Leppäkangas Metsähallitus.jpg
Koko: 2,66 MB Tyyppi: jpg Resoluutio: 4608x2240
© Koodiviidakko Oy - Y-tunnus 1939962-1