Meahciráđđehusa Guođohanvahkuid geasi 2021 almmuheapmi rahpasa odne. Beroštuvvan olbmot sáhttet ohcat mielde vásihit guođohanvahku álbmotmeahci dahje eará suodjalanguovllu ráfálaš eanadagain. Guođohanvahkut leat dahku luonddu máŋggahámatvuođa buorrin.
Geasi 2021 guođoheaddjiid ohcan álgá gaskavahku 31.1. dmu 12 ja joatkašuvvá čuovvovaš vahku gaskavahku 20.1. dmu 12 rádjai. Beroštuvvan guođoheaddjiin leat válljemis 15 earálágan guođohanbáikki. Davimus báiki lea Ohcejogas, Deanu gáttis ja máttimusat Hämes, Evo vánddardanguovllus. Ođđa báikin lea Kokko. kokko stohpu lea mearrabađa álbmotmeahci Selkä-Sarvis, mii lea beakkán fiinna árbeeanadagain ja boares guollebivdogilis.
Sávzaguođoheaddjit vuorbáduvvojit almmuheaddjiid gaskkas guovvamánu áigge. Guođohanvahkut leat mávssu vuollásaččat. Mávssuin boahtán sisaboađut ávkkástallojuvvojit báikkiid bajásdoallamii ja luonddudikšuma goluide.
Guođoheaddjiin leat báikki mielde dikšuma vuolde juogo sávzzat, gusat dahje heasttat. Guođoheaddjiid doaimmaide gullet earret eará molsut ealliide buhtes čázi, čuovvut ealliid veadjima ja sirdit daid guođohanlaigosis nubbái. Ealliid berre maiddái rehkenastit beaivválaččat, vai vejolaš gárgidan eallit fáhtejuvvojit. Háliidettiin guođoheaddji sáhttá oassálastit maiddái eará bargguide, mat báikkis vejolaččat lea fállamis
Koronadilli váikkuhii oassái geasi 2020 guođohanvahkuide. Dán jagi ektui Meahciráđđehusa Luonddubálvalusat čuovvu dili ja DBL:a rávvagiid ja doaibmá daid mielde.
Guođoheapmi árbebirrasiid buorrin
Guođohanbáikkit leat Punkaharju vuhtii válddekeahttá áittavullosaš árbebirrasat. Go báikkiin guhton eallit borret dábáleamos ja gilvvohallamis buoremusat birgen šattuid, dahket dat seammás saji eanet hárvenaš niitošattuide. Almmá guođoheami niittut savvošedje ja máŋggat čáppa ja hárvenaš šaddošlája jávkkašedje. Guođoheapmi nappo riggodahttá luonddu máŋggahámatvuođa. Punkaharju báikkis lea eará báikkiide spiehkkasettiin jearaldat eanadatdikšumis ja kulturárbbi suodjaleamis.
Guođohanvahkuin ožžot ávkki guođoheaddjit, eallit, ealiid eaiggádat ja birrasa luonduge. Guođohanvahkuide oassálastit dahket vejolažžan kulturárbebáikkiid, árbevirolaš luonddudikšuma ja luonddu máŋggahámatvuođa seailuma.
Sávzaguođohanvahkuid ja báikkiid ovdanbuktimat:
https://www.luontoon.fi/vapaaehtoistoiminta/paimenviikot
Lassidieđut:
Hannele Kytö, Meahciráđđehusa Luonddubálvalusat, [email protected], t. 040 1849709
Metsähallitus on valtion liikelaitos, jonka hoidossa on kolmasosa Suomen maa- ja vesialueita. Metsähallituksen tarkoitus on luonnon arvon ja yhteisen varallisuuden vastuullinen kehittäminen yli sukupolvien. 1200 metsähallituslaista eri puolilla Suomea vastaavat alueiden kestävästä käytöstä, hoidosta ja suojelusta - erilaiset tarpeet ja odotukset yhteensovittaen.
Metsähallituksen Luontopalvelut tarjoaa kestävän tavan nauttia Suomen kauneimmasta luonnosta. Suojelemme arvokkainta luontoa ja vastuullamme ovat maamme kansallispuistot, luonnonpuistot ja muut valtion suojelualueet, pohjoiset erämaa-alueet sekä monet merkittävät historiakohteet.
© Koodiviidakko Oy - Y-tunnus 1939962-1