Bissehit vierisspire neahtebeatnaga leavvama Lappis
Meahcástanbaji álggedettiin Suoma fuođđoguovddáš muittuha vierisspire neahtebeatnaga bivddu dehálašvuođas eandalii Davvi-Suomas. Neahtebeana lea Suoma lundui gulakeahtes vierisšládja ja vahátlaš vuođđoluonddu máŋggahámatvuhtii. Dutkamušaid mielde neahtebeana borrá lottiid, mat bessejit eatnamis - eandalii besiid.
Čakčat ja dálvit neahtebeatnaga bivdin lea beaktilis beatnagiid vehkiin eará bivddu oktavuođas, rihtábivdduin ja rábbi lahkasiin fáktemiin. Go luonddus leat meahcástanbáji álggedettiin olu bivdit, de oažžut smávvaspiriid meari almmolaččat unnibun. Čavčča ja dálvvi lihkostuvvan bivdu addá vuođu menestuvvan loahppadálvvi ja álgogiđa bivdui.
Jođus lean Davviriikalaš neahtebeanafidnu mihttomearrin lea bissehit vierisspire leavvama Norgii ja Ruŧŧii. Váldodoaibman lea beaktilis bivdu Davvi-Suomas ja Mearačoddagis. Fidnu doarju báikkálaš meahcásteaddjiid skuvlema ja rávvema vugiiguin ja fállá biergasiid bivdui. Neahtebeanafidnu ollašuhttá doaibmanamma Juha Mäkimartti. Sutnje gánneha váldit oktavuođa, jus din meahcástansearvvis lea beroštupmi neahtebeatnaga bivdoskuvlejupmi dahje Kanu-rihtáid dahkan guvlui. Maiddái neahtebeanaáicamiin sáhttá almmuhit Mäkimarttii.
Suoma fuođđoguovddáš čoaggá áican- ja sálašdieđuid Lappi neahtebeatnagiin. Lappis ja Davvebađaeatnama davveosiin leat 10-15 čeabetbádde Judas-neahtebeatnaga dili čuovvumii ja ovttaskas ealliid jávkadeapmái viiddis meahcceeatnamiin. Buorre dillegovva neahtebeatnaga dihttomis lea dehálaš, vai beaktilis bivddu sáhttá čujuhit riekta. Báddečeabetbeatnaga bivdimis oažžu 50 euro skeaŋkakoartta Retkitukkui.
Neahtebeatnaga beaktilis bivdui gánneha oassálastit maiddái boahttevaš meahccevuonccesloddeáigodagas. Lappiin sikten meahcásteaddjiid ávžžuhit jávkadit áicojuvvon neahtebeatnagiid luonddus ja almmuhit sállašis. Neahtebeatnaga bivddu lassin dál gánneha bidjat deattu maiddái riebanbivdui, mii doarju ovdamearkan vuoncceslodde- ja čuonjánáli ealáskeami.
Lassidieđut:
Eerojuhani Laine, fuođđoplánejeaddji, Suoma fuođđoguovddáš Lappi
029 431 2124, [email protected]
Juha Mäkimartti, t. 050-3011 676
