Oulu ámmátallaskuvlla Ámmátlaš oahpaheaddjeallaskuvllas álgá boahtte čavčča earenoamáš davvisámegielat oahpaheddjiid skuvlejupmi. Skuvlejupmi ordnejuvvo ovttasbarggus Sámi oahpahusguovddážiin. Sámegielat oahpaheddjiin lea stuorra váilevašvuohta oppa riikkas ja sámeguovllus.
–Mii ordnet oahpaheaddjeskuvlejumi vuosttaš gearddi davvisámegillii. Sisdoalut eai leat dušše jorgalusat suomagielat oahppoplánas, muhto skuvlejumi vuođđun lea sámepedagogihkka ja báikkálaš sámekultuvra. Mii leat earenoamážit beroštuvvan árbevirolaš oahppama ja máhtu birra sámekultuvrras. Dan dihte min skuvlejupmi lea maiddái máhttovuđot ja studeantta ovdalis háhkkon máhttu váldo vuhtii, Tomi Guttorm muitala.
Oahpaheaddji pedagogalaš oahpuid bokte oažžu viiddes pedagogalaš gelbbolašvuođa oahpaheaddji bargguide. Vuođđonjuolggadussan lea, ahte ohccis galgá leat heivvolaš allaskuvladutkkus ja unnimusat 3 jagi praktihkalaš bargovásáhus dutkosa sisdoalu vástideaddji suorggis. Oahpahus lea davvisámegielat ja gáibádussan lea buorre davvisámegielat njálmmálaš ja čálalaš giellamáhttu.
Oahput álget lagasoahpahussan Anáris 6.-7.9.2019. Dáid beivviid maŋŋá bargovuohkin leat
reálaáigásaš webinárat. Skuvlejupmái leat 10 álggahusbáikki.
Ohcanáigi skuvlejupmái lea 8.-29.1.2019.
Lassedieđut:
Tomi Guttorm
[email protected]
+358 50 5926 805
Samuel
Valkeapää
[email protected]
+358 40 4876886
Davvisámegielat oahpaheaddjit skuvlejuvvojit Oulu ámmátlaš oahpaheaddjeallaskuvllas.pdf
Koko: 0,02 MB Tyyppi: pdfDavvisámegielat oahpaheaddjit skuvlejuvvojit Oulu ámmátlaš oahpaheaddjeallaskuvllas.pdf
Koko: 0,02 MB Tyyppi: pdf© Koodiviidakko Oy - Y-tunnus 1939962-1