Meahciráđđehusa luonddubálvalusat jotkkii geasset Deatnogátti Jeagelveaji sámedálu visttiid divvuma. Jeagelveadji sirdašuvai Musealágádusas Meahciráđđehussii mannan jagi. Dálu váldovistti lassin divodedje dállodoallovisttiid. Geaidnogurrii dahkkojuvvui bisánanbáiki gussiid biillaide. Barggut joatkašuvvet ain boahtte gease.
Meahciráđđehusa luonddubálvalusat divui Jeagelveaji riikkaviidosaččat árvvolaš sámedálu jo nuppi gease maŋŋálagaid. Dál divvo váldovistti láhttis rohpái sihke sávnni, bivttasáitti ja gáivvo. Šilljobiire darfegoahti, mii lei oalle fuones ortnegis, dokumenterejuvvui ja burgojuvvui eret. Bargoalbmát loahpahedje bargguid easkka čakčamánu álggus.
Jeagelveajis leat ain barggut, ja boahtte gease barggut joatkašuvvet ruhtadeami mielde. Divvuma dárbbašit vel darfegoahti, okta áittiin, guollekeallir ja suoidneláhttu. Gietti birra lea jurdda cegget árbevirolaš áiddi.
Jeagelveaji gieddi lea árvvolaš árbebiotohpa, nuba boahttevuođas gieddi dikšojuvvo jalgadin ovdamearkan láddjemiin dahje guođohemiin. Boahtte gease dárbbašit álgorahčama, mii oaivvilda oppa guovllu njáskama ja rissebargguid. Dán maŋŋá reahkkájit geahppasutge doaibmabijut. Gietti divvunbargguid loahpaheapmái leat plánen ee. eaktodáhtolašbargoleairra geassái 2016.
Jeagelveaji sámedállu lea oainnusčuozáhat. Dán várás ráhkadedje bisánanbáikki geaidnogurrii jo dán jagi. Geassi 2016 manná vel oalle olu gietti ja visttiid divvunbargguin, nuba aitosaš dáhpáhusaid sáhttá giettis lágidit easkka dan maŋŋá.
Jeagelveaji gieddi lea okta 2014 álggus Meahciráđđehussii sirdašuvvan Musealágádusa čuozáhagain. Eará čuozáhagat Lappis leat Gihttela Sammalselkä bigálusgárdi ja Kurjenpolvi boares hávdeeana. Ruhtadeami Jeagelveaji ja Kurjenpolvi divvunbargguide leat ožžon sierraruhtadeapmin stáhta bušeahtas.
Lassidieđut:
Kulturárbbi spesiálaplánejeaddji Siiri Tolonen, Meahciráđđehus, t. 040 860 3800
Álbmotmeahccemeašttir Aimo Leppäkangas, Meahciráđđehus, t. 0400 201 866
Loga lasi:
www.metsa.fi/fi/limuhanke (suomagillii)
Välimaa_päärakennus_Siiri Tolonen.JPG
Koko: 3,75 MB Tyyppi: jpg Resoluutio: 4000x3000Välimaa_päärakennus_Siiri Tolonen.JPG
Koko: 3,75 MB Tyyppi: jpg Resoluutio: 4000x3000Välimaa_Vaateaittaan asennettaan turvelevy_Alexander Kopf.jpg
Koko: 0,49 MB Tyyppi: jpg Resoluutio: 1024x683Välimaa_Vaateaittaan asennettaan turvelevy_Alexander Kopf.jpg
Koko: 0,49 MB Tyyppi: jpg Resoluutio: 1024x683Metsähallitus on valtion liikelaitos, joka tuottaa luonnonvara-alan palveluja monipuoliselle asiakaskunnalle kansalaisista suuryrityksiin. Toimintamme perustuu valtion maa- ja vesialueiden asiantuntevaan ja yhteistyöhakuiseen käyttöön.
© Koodiviidakko Oy - Y-tunnus 1939962-1