Tiedotteet

Näytä tiedotekategoriat

Etusivu » Tiedotteet » Ympäristö ja luonto » Suopma ja Norga soabaiga Deanu luossabivddus

Maa- ja metsätalousministeriö

Suopma ja Norga soabaiga Deanu luossabivddus

Tiedote.
Julkaistu: 08.12.2015 klo 10:30
Julkaisija: Maa- ja metsätalousministeriö

Suoma ja Norgga sáttagottit leat beassan ovttamielalašvuhtii Deanu ođđa bivdonjuolggadusain, mat bohtet atnui jagi  2017 álggu rájes. Bivddu dagahan guollejámu geahččalit geahpedit sullii 30 proseanttain dálá dásis nu, ahte ráddjejuvvojit buorebut go dál johkaguovllu buot bivdohámit. Njuolggadusaiguin sáhttá ealáskahttit Deanu áidnalunddot luossanáliid bistevaš geavaheami dássái. Ráđđádallamat riikkaid gaskkas álggahuvvojedje 2012:s.

Ráđđádallanboađus juksojuvvui buori muddui Suoma ja Norgga báikkálaš oassebeliid ságastallamiid vuođul. Bivdonjuolggadusat leat oassin Deanu ođđa guolástansoahpamušas, man teknihkalaš válmmaštallan lea ain gaskan. Soahpamuš vuolláičállojuvvo boahtte jage. Ođđa soahpamuš boađášii  fápmui dan maŋŋá,  go Riikkabeaivvit leat dohkkehan dan ovdal jagi 2017 bivdobaji álgima. Bivdobajis 2016 leat vel anus boares njuolggadusat.

Máŋgga čázádagas luossanáliin ollejit gođu muddui hui uhccán lassánanahkásaš luosat veajetbuvttadanguovlluid viidodaga ektui. Nuba náli bistevaš dili čájeheaddji gođđonálleulbmilat eai ollašuva. Gođđonálleulbmil lea gođđoguliid dakkár mearri, mii buvttada maŋit luossabuolvvain joga buvttadannávccaid dáfus nu valjis luosa go vejolaš.

Das ahte mo bivdu ráddjejuvvošii leat adnojuvvon ávkin dutkandieđut das, goas sierra luossanálit gorgŋot Detnui. Ná geahččalit geahpedit erenoamážit stuorra lassánanahkásaš luosaid bivddu, ja danin eatnašat ođđa ráddjehusain deivet bivdobaji álgui. Soahpamušráđđádallamiid ulbmilin lea leamaš dahkat bivdonjuolggadusaid njuovžilin, goas luossanáliid dili nuppástusaide sáhttá dávistit johtilit nu, ahte bivddu mudden ložžejuvvo dahje čavgejuvvo ain dárbbu mielde.

Bivdobaji álgin maŋiduvvo báikkálaš bivddu hárrái dálá miessemánu 20. beaivvis geassemánu álgui. Seamma vuogi mielde turisttaide oaivvilduvvon bivdobaji álgin maŋiduvvo geassemánu 1. beaivvis geassemánu 10. beaivái. Árbevirolaš bivdosiiguin bivdu nohká dás duohko suoidnemánu loahpas earret Anárjoga, gos bivdu nohká borgemánu 12. beaivve. Seamma vuogi mielde turismabivdu nohká borgemánu 10. beaivve. Dál turismabivdu nohká borgemánu 20. beaivve ja fierbmebivdu borgemánu loahpas.

Turismabivdolobiid mearri geahppána sullii goalmmádasain ja lobit juhkkojuvvojit dássideappot go dál olles bivdobadjái. Báikkálaš olbmuid luossabivddus golgadan-, buođđobivdo- ja fierbmebivdojándoriid meari geahpedit guđege bivdohápmái guoskevaš čovdosiiguin.

Go soahpamuš lea boahtán fápmui 2017:s, de bivdit leat geatnegahtton almmuhit iežaset luossasállašiid Suoma ja Norgga oktasaš elektrovnnalaš sálašregistarii, ja ná soahpamuša sáhttá beaktileappot ollašuhttit. Maiddái luossadutkanresurssaid sáhttá čujuhit eanet go dál luossanáliid dili eará árvvoštallanvugiide.

Suoma eanadoallo- ja birasministara spesiálaveahkki Jukka-Pekka Kataja lea duhtavaš čavges ráđđádallamiin fidnejuvvon bohtosii.

– Dát lea vuosttas dehálaš ceahkki ođđa soahpamuša ráđđádallanbarggus, mainna galggašedje sihkkarastot buorit luossanálit Detnui guhkás boahtteáigái. Vaikko bivdomeari šaddáge dál gáržžidit, de dat dáhkida buoret sállašiid boahtteáiggis. Báikkálaš oassebealit leat leamaš guovddážis dán soahpamuššii beassamis, giitá Kataja.

Dárkilet dieđut Deanu luossanáliid dilis ja dál sohppojuvvon bivdomearrádusaid duogážis gávdnojit Suoma ja Norgga oktasaš dutkijoavkku raporttas Tenojoen lohikantojen tila 2015.

Lassedieđuid fidne Eana- ja meahccedoalloministeriijas:
Sierraveahkki Jukka-Pekka Kataja, tel. 050 3419934
Ossodathoavda Pentti Lähteenoja, tel. 029 5162485
Ráđđádalli virgeolmmoš Tapio Hakaste, tel. 029 5162152
ovdanamma.goargu@mmm.fi

 

Julkaisijan muita tiedotteita

Hae kategoriasta

Kategorian julkaisijoita

Kategorian uusimmat

ePressin asiakkaita
Trafi Radisson Blu Tellabs