Boahtte geasi Guođohanvahkuide lei fas olu beroštupmi. Ohcamušaid guđđe oktiibuot 15 638. Mannan jagi dávisteaddji lohku lei 11 609. Ođđa čuozáhat, Punkaharju Palovartija dállu, lei dán jagi bivnnuheamos báiki.
Dán jagi vuosttas geardde mielde lean Punkaharju Palovartija dállu geasuhii ohcciid eanemus, ohcamušat dohko bohte oktiibuot 1334. Dat lea earáin spiehkkaseaddji báiki sihke sajádagas ja luonddus dihtii. Palovartija dállu lea bálvalusaid lahka ja dohko beassá maiddái almmolaš fievrruiguin. Sávzzaid guođoheapmi dálu šilljobires ii leat árbebiotohpaid dikšun, muhto Punkaharju áidnalunddot álbmotoidnosis fuolaheapmi.
Golmma eanemus geasuhan báikái gulle Lappi bissovaš bivnnuhis báikkit, Jeagelveaji sámedállu Ohcejogas (1294 ohcamuša) ja Gáppe-Jon báiki Leammi álbmotmeahcis (1216 ohcamuša).
Guođoheaddjit vuorbáduvvojit ohcanskoviid deavdán ohcciid gaskkas ja vuoitiide almmuhat vuorbádeami bohtosis guovvamánu áigge. Guođohanvahkuin boahtán sisaboađut ávkkástallojit guđege báikki ja dan birrasa luonddusuodjalanguovllu dikšumii.
Eará báikkiid ohccimearit ledje čuovvovaččat: Koli álbmotmeahci Lakkalan dállu 1131 ohcamuša, Koli álbmotmeahci Seppälän dállu 1191 ohcamuša, Neitvuori Hiidenmaa dállu 1167 ohcamuša, Kolovesi álbmotmeahci Huhtiniemi dállu 1155 ohcamuša, Pyhä-Häkki álbmotmeahci Poika-aho toarpa 982 ohcamuša, Isojärvi álbmotmeahci Luutsaari dállu 1056 ohcamuša, Elimyssalo Levävaara meahccefávtta dállu 951 ohcamuša, Oulujärvi Ärjänsaari Saunala 848 ohcamuša, Syöte álbmotmeahci Rytivaara kruvnnameahccetoarpa 918 ohcamuša, Evo vánddardanguovllu Mustajärvi toarpa 817 ohcamuša, Evo vánddardanguovllu Onni stohpu 851 ohcamuša ja Mearrabađa álbmotmeahci Guođohanstohpu 727 ohcamuša.
Guođohanvahkuin guođoheaddjit dikšot luonddu ja luondu fas guođoheaddjiid
Guođohanvahkuid deháleamos ulbmil lea árvvolaš árbebiotohpaid dikšun. Báikkiin guhton sávzzat, gusat ja heasttat fuolahit árbeoidnosiid rabasin ja dorvvastit dain dihtton šlájaid seailuma. Guođoheaddjit fas fuolahit guohtunealliin ja oassálastet ná bealisteaset dehálaš luonddusuodjalanbargui. Luondu giitá guođoheaddjiid fállamiin sidjiide agimuittolaš eallámušaid, ráfi ja vuoiŋŋasteami.
Lassidieđut guođohanvahkuin ja vuorbádeamis:
Spesiálaplánejeaddji Hannele Kytö
Eaktodáhtolašbarggu koordinerejeaddji, Meahciráđđehusa Luonddubálvalusat
Tel. 040 184 9709, hannele.kyto(at)metsa.fi
Pyha-Hakki-Lammaspaimen_TeaKarvinen.jpg
Koko: 7,98 MB Tyyppi: jpg Resoluutio: 4605x3295Pyha-Hakki-Lammaspaimen_TeaKarvinen.jpg
Koko: 7,98 MB Tyyppi: jpg Resoluutio: 4605x3295Syöte_Rytivaara_lammas_SusannaOksanen.jpg
Koko: 5,09 MB Tyyppi: jpg Resoluutio: 3834x2739Syöte_Rytivaara_lammas_SusannaOksanen.jpg
Koko: 5,09 MB Tyyppi: jpg Resoluutio: 3834x2739Metsähallituksen Luontopalvelut suojelee ja hoitaa alkuperäistä ja uhanalaista suomalaista luontoa sekä tuottaa luonnossa liikkujille retkeilypalveluja. Vastuullamme ovat maamme kansallispuistot, luonnonpuistot ja muut valtion suojelualueet pohjoiset erämaa-alueet sekä monet merkittävät historiakohteet.
© Koodiviidakko Oy - Y-tunnus 1939962-1