Lappi guovlulaš fuođđoráđi čoahkkáibovdejumis háleštedje ollašuvvan ealganáli geahpedeamis, náli dilis ja ealggaid dahkan vahágiin ja boahttevaš golmmajagiáigodaga nálledikšuma mihttomeriin Roavvenjárggas njukčamánu 16. beaivve.
Guovlulaš ruođđoráđđi ásahii dilálašvuođas dollojuvvon čoahkkimis mihttomeriid ealganáli dikšumii golmmajagiáigodahkii 2018-2021 iešguđege ealgadoalloguvlui. Dat leat Lappi doaibmaguovllus ovcci. Ásahuvvon nállemihttomeriid mielde figgat bisuhit vahátmeriid govttolaš dásis, váldit vuhtii iešguđege guovllu sierraiešvuođaid ja seailluhit ealganáli eallinfámolažžan ja meahcásteapmái heivvolažžan. Mihttomeriid ollašuvvan čuvvojuvvo jahkásaččat ovttasbargguin čanusjoavkkuiguin.
Ásahuvvon mihttomearrerájáid mielde ealganálli Lappis lea 12863–17491 ealgga, gaskamearálaččat 15 000 ealgga. Ealganáli ráhkadusa dáfus ráđđi mearridii joatkit ealganáli dikšunplánas mearriduvvon almmolašmihttomeriiguin (eanemustá 1,5 njiŋŋálasa ovtta varrása vuostá ja dálveáigodaga miesseoassi 20-30 proseantta).
Luondduváriidguovddáš buvttada árvvoštallama ealganáli sturrodagas ja ráhkadusas. Varraseamos jagi 2017 meahccebivddu maŋŋá árvvoštallojuvvon náli sturrodat Lappi guovllus lei 20 300 ealgga. Jagi 2017 oppalašárvvoštallamii váikkuhii oassái Anára guovllu rehkenastiin girdiin, mii lasihii ealggaid logu. Ealgadoalloguovlluid guovdu ealganálli lei jagi 2015 mihttomearrerájáid siste guđa ealgadoalloguovllus ja bajábealde golmma ealgadoalloguovllus (HTA 2, 3 ja 5). Ealganáli ráhkadus lea Lappis buorre. Rávis varris ealggaid oasi rávesealggaid nális čuovui eanaš mihttomeari 1,5 njiŋŋálasa ovtta varris ealgga guovdu máttimus Lappi vuhtii válddekeahttá.
Suoma vuovdeguovddáža mielde jagi 2017 oasis buhttejuvvon vuovdevahágiid sturrodat lei 131 640 euro ja buhtadusaid vuođđun lei vahátviidodat 556 hektára. Buhtadusohcamušaid árvvoštallojuvvon viidodagas 57 proseantta lei Nuorta-Lappi ealgadoalloguovllus 6. Johtolatvahágiid mearri lei EJB-guovddáža statistihka mielde 180 ealgabártti Lappis, go jagi 2016 guovllu geainnuin dáhpáhuvve 156 ealgabártti. Ealgabárttiid mearri stuorui ovddit jagis eandalii Tervolas, Roavvenjárggas, Gihttelis ja Anáris, áiggi dáfus ealgabárttiid mearri lassánii eandalii Juovlamánus.
Fuođđoráđđi oaidná, ahte luondduváriidguovddáža dahkan rehkenastimat girdiin leat dehálačča Lappi nálleárvvoštallamiid dárkilastimis, go daidda čuohcá eahpesihkkarvuohta Lappi viidodaga dáfus stuorra guovlluin. Dutkamuša dáfus fuođđoráđđi gávnnahii dárbbašlažžan, ahte boahttevuođas čoggojuvvo lassidiehtu maiddái ealggaid lihkadeamis čeabetbáttiiguin.
Lassidieđut: Jari Huhtamella, Lappi guovlulaš fuođđoráđi sj.
tel. 040 7025 302
Lappi hirvikantatavoitteet 2018 - 2020.jpg
Koko: 2,94 MB Tyyppi: jpg Resoluutio: 3507x4960Lappi hirvikantatavoitteet 2018 - 2020.jpg
Koko: 2,94 MB Tyyppi: jpg Resoluutio: 3507x4960© Koodiviidakko Oy - Y-tunnus 1939962-1