Lappi guovllalaš fuođđoráđi čoahkkái bovden čoahkkimis 22.3.2019 háleštalle ovddit meahcástanbaji ollašuvvan ealganáli vearuhusas, náli dilis ja ealgga dagahan vahágiin. Guovllus ealgabárttit johtolagas geahppánedje ovddit jagis, muhto buhttejuvvon vuovdevahágiid mearri bealistis stuorui.
Guovllulaš fuođđoráđđi ásahii mannan jagi mihttomeriid ealganáli dikšumii golmmajagiáigodahkii 2018-2020 Lappi ovcci ealgadoalloguvlui. Mihttomeriid čuvvon ealganáliin figgat doalahit vahátmeriid govttolaš dásis, váldit vuhtii guovllulaš sierraiešvuođaid ja seailluhit ealganáli eallinfámolažžan ja meahcásteami vuollásažžan. Mihttomeriid ollašuvvan čuvvojuvvo ovttasbarggus čanusjoavkkuiguin jahkásaččat. Ásahuvvon mihttomearrerámmaid siste ealganálli Lappis lea 12 863-17 491 ealgga, gaskamearálaččat sullii 15 000 ealgga.
Árvvoštallamiid ealganáli sturrodagas ja ráhkadusas buvttada Luondduváriidguovddáš. Jagi 2018 meahcásteami maŋŋá ealganálli lea njiedjan ovddit jagi sulaid 22 000 ealggas sulaid 19 000 elgii. Ealgadoalloguovlluid guovdu ealganálli lei 2018 ásahuvvon mihttomearrerámmaid siste njealji ealgadoalloguovllus, bajábealde golmma ealgadoalloguovllus (HTA 2, 5 ja 8) ja vuolábealde ealgadoalloguovllus 9. Ealganáli ráhkadus lea Lappis buori dásis. Rávis ealliid sohkabealleráhkadus čuovvu eanaš mihttomeari eanemustá 1,5 njiŋŋálasa ovtta varrása guovdu. Posio ja Ranua ealgadoalloguovllus 9 njiŋŋálasaid oassi lea allagat go mihttomearri.
Suoma vuovdeguovddáža mielde jagi 2018 bokte buhttejuvvon vuovdevahágat ledje 296 530 euro ja buhtadusaid vuođđun leamašan vahátviidodat 1350 hektára, go dávistan logut ovddit jagi ledje 131 640 euro ja 556 há. Lappi 2018 buhtadusohcamušaid árvvoštallojuvvon viidodagas 66 proseantta lei Nuorta-Lappi ealgadoalloguovllus 6. Ealgabárttiid mearri johtolagas lei EBI-guovddáža statistihka mielde jagi 2018 Lappis 2016 bártti, go jagi 2017 guovllus dáhpáhuvve 180 ealgabártti.
Čanusjoavkkuin oainnuid mielde ealganáli lea ain dárbu geahpedit guovlluin, gos leat nállemihttomeriid bajábealde. Lappi guovllulaš fuođđoráđđi oaidná, ahte Luondduváriidguovddáža ollašuhttán girdinrehkenastimat leat boahttevuođas dehálačča dárkilmastit Lappi nálleárvvoštallamiid, maidda laktása eahpesihkkarisvuohta Lappi viidodaga dáfus viiddis guovlluin. Lassin ráđđi oaidná dehálažžan meahcásteami oktavuođas meahcásteaddjiid merken áicamiid gokčevašvuođa buorideami, vai nálleárvvoštallama sáhttá buoridit.
Suoma fuođđoguovddáš álggahii njukčamánu riikkaviidosaš golmmajagi ealganáli dikšuma ovddidanfidnu, masa Lappi guvlui lea nammaduvvon ealgadoalloguovloplánejeaddjin Ville Viitanen.
Lassidieđut:
Jari Huhtamella
Lappi guovllulaš fuođđoráđi sj.
tel. 040 7025 302
Sami Tossavainen
Fuođđooaivámuš
tel. 029 431 2304
lappi-hirvikantatavoitteet-2018-2020.jpg
Koko: 2,94 MB Tyyppi: jpg Resoluutio: 3507x4960lappi-hirvikantatavoitteet-2018-2020.jpg
Koko: 2,94 MB Tyyppi: jpg Resoluutio: 3507x4960Suomen riistakeskus on itsenäinen julkisoikeudellinen laitos, joka edistää kestävää riistataloutta, tukee riistanhoitoyhdistysten toimintaa ja huolehtii riistapolitiikan toimeenpanosta sekä vastaa sille säädetyistä julkisista hallintotehtävistä.
© Koodiviidakko Oy - Y-tunnus 1939962-1