Tiedotteet

Näytä tiedotekategoriat

Etusivu » Tiedotteet » Ympäristö ja luonto » Eurohpá kulturbirasbeaivve Sállevári gárdde luhtte muittašit doložiid

Metsähallitus

Eurohpá kulturbirasbeaivve Sállevári gárdde luhtte muittašit doložiid

Tiedote.
Julkaistu: 30.08.2016 klo 08:28
Julkaisija: Metsähallitus

Ovddešáiggi gárddástallaneallima muittašit Sállevári historjjálaš bigálusgárddi luhtte čakčamánu 10. beaivve. Mátki dahkkojuvvo buoremus ruškki áigge ja tuvrras oahpásmuvvet Sállevári divoduvvon bigálusáidái ja dan viiddis gámpábirrasii. Seammás Sálleváris návddašit Leammi álbmotmeahci čakčaluonddus. Eurohpá kulturbirasbeaivi čohkke jahkásaččat olbmuid oktii ávvudit iežaset kulturbirraseaset ja -árbbiset. Dán jagi temán lea ”Joavkku báikkit, oktasaš birrasat”.
Beaivvi áigge Sállevári bigálusgárdi lea deaivvadanbáikin dego ovddeš áigge ja doppe deaivvadit sierra sohkabuolvvat. Ovddeš áigge bigálusaid Sálleváris vásihan olbmot besset deaivat oahppásiiddiset ja muittašit. Nuorabut besset oahpásmuvvat Sállevári kulturhistorjái muittašemiid bokte.
Earenoamážit 1950-60 -loguin bigálusaid áigge Sálleváris sáhtii leat oalle ealás eahketeallin go gárdde luhtte čuojai geasanas ja muhtimin sáhtte leat dánssatge. Sállevári tuvrras lea fárus geasanasa čuojaheaddji ja su čuojaheami távttas sáhttá dánsestit maid. Boađe fárrui muittašit ja juohkit muittuidat ja dánsestit kafeagámppá šiljus. Sáhtát maid gárvodit ovddešáiggi gárddástallanvieru mielde!
Sállevári gárddi lusa ordnejuvvo sáhttu, mii johtá Vuohčus, Suoločielggi, Avvila ja Anár bokte Riebanjohkii, gos vuolgá 6 kilomehter guhkkosaš bálggis Sállevári gárddi lusa. Báikki ala sáhttá boahtit maid iežas givttain. Sálleváris lea vejolašvuohta boradit ja káfestallat, muhto fárrui sáhttá váldit maid iežas nisttiid. Sáhtus ja borramušas berrojuvvo uhca máksu. Oassálastinmáksu oktan sáhtuin ja borramušain lea olles olbmos 20 € (10 € sáhttu + 10 € borramuš), 7-12 -jahkásaš mánáin 10 € ja vuollel skuvlaahkásaččat besset searvat nuvttá.
Sállevári tuvra ordnejuvvo Leammi álbmotmeahci 60-jagi ávvodoaluid ja Eurohpá kulturbirasbeaivvi gudnin. Meahciráđđehusa luonddubálvalusat háliida ávvudit Leammi ávvojagi ovttas ovttasbargoguimmiiguin ja tuvrra ordnemii váldetge oasi Sámemusea ja Davvi-Sámi luondduguovddáš Siida, Tankavári luondduguovddáš, Sállevári bálggus, Vuohču Sámiid searvi ja Lappi bálggus.
Almmuheamit, mainna čatnasat vuolgit tuvrii, maŋimustá duorastaga 8.9. dii 19.
Lassedieđut ja almmuheamit: Luondduguovddáš Siida tel. 0206 39 7740 dahje siida@metsa.fi ja Bálvalanbáiki Kiehinen tel. 0206 39 77200 dahje ukpuisto@metsa.fi

Liitetiedostot

Metsähallituksen luontopalvelut suojelee ja hoitaa alkuperäistä ja uhanalaista suomalaista luontoa sekä tuottaa luonnossa liikkujille retkeilypalveluja. Vastuullamme ovat maamme kansallispuistot, luonnonpuistot ja muut valtion suojelualueet, pohjoiset erämaa-alueet sekä Metsähallituksen eräasiat.

Mediapankki

Julkaisijan muita tiedotteita

Hae kategoriasta

Kategorian julkaisijoita

Kategorian uusimmat

ePressin asiakkaita
Trafi Radisson Blu Tellabs