Lappii eanet ealgalobit go diibmá

Suoma fuođđoguovddáš lea mieđihan Lappii boahtte čavčča ealgabivdui 6 676 bivdolobi. Lohpemearri lassánii badjel 20 %:ain ovddit jagi 5 472 bivdolobi ektui.

Čavčča 2016 meahcástanbadjái mieđihuvvon bivdolobiid vuođđun leat Lappi guovllu fuođđoráđi mearridan dávjodatulbmilat, maid fuođđoráđđi bijai giđđat 2015 Lappi ovcci ealgadoalloguovllu ealganállái. Ulbmilat leat biddjon ealgadoalloguovlluid mielde ja dat leat fámus golbma jagi. Ulbmilmearit ealggaid náli sturrodahkii leat uhcimusat Davvi-Sámis ja alimusat Mátta-Lappis.  Mannán meahcástanbaji maŋŋá buot guovlluin bisso ealggaid dálvenális biddjojuvvon ulbmiliid siste. Bivdolobiid vuođul lea vejolaš beassat badjel 8000 ealgga sállašii. Ovddit meahcástanbajis Lappis bivde 6186 ealgga.  

Luondduriggodatguovddáža (Luke) árvvoštallama mielde Lappi ealganálli lea leamaš oalle stáđis jagi 2011 rájes. Dien áigodagas dálvenálli  lea molsašuddan 15 700–16 700 ealgga gaskkas.  Dál mieđihuvvon bivdolohpemearit addet vejolašvuođa bivdit eanet ealggaid ealgadoalloguovlluin 6, 8 ja 9. Luke nálleárvvoštallama mielde dain guovlluin nálli lea lahka badjerájá. Mieđihuvvon ealgalohpemeriin geahččalit doallat ealggaid dagahan vahágiid govttolaš dásis, váldit vuhtii guovlluid earenoamášvuođaid ealganáli dikšumis ja seailluhit ealganáli eallin ja dakkárin, ahte bivdu lea vejolaš. 

Suoma fuođđoguovddáš fállá ealgalobi oažžuide vejolašvuođa almmuhit ealgasállašiid ja meahcástan bajis fuomášuvvon áiccuid Oma riista -bálvalusa bokte. Searvvi lahtut, geat leat  registreren bálvalussii ja ealgabivddu jođiheaddji sáhttá čuovvut bivdojoavkkus bivddu ovdáneami ja Luondduriggodatguovddáža buvttadan raporttaid iežas dihtoristis. Raporttat beaiváduvvojit  bivddu áigge. Oktasašlobit, maid máŋggat bivdosearvvi hábmejit ovttas, sáhttet čuovvut reálaáiggis ealgabivddu ovdáneami Oma riista -bálvalusa bokte. Báikkálaš fuođđodikšunsearvvit bohtet vel ovdal ealgabivddu oahpistit servviid Oma riista -bálvalusa geavaheapmái. Suoma fuođđoguovddáža interneahttasiiduin leat álkes videorávvagat Oma riista -bálvalusa atnuiváldimii ja ealgadiehtoihtagiid ávkkástallamii.

Ealgabivdu álgá čakčamánu maŋimuš lávvardaga čakčamánu 24. beaivve, spiehkastahkan leat áraduvvon ealgabivdoguovllut Eanodat, Anár, Muoná ja Ohcejohka, gos ealgabivdu álgá juo čakčamánu 1. beaivve.

//linkit//

Oma riista –bálvalusa geavahanrávvagat http://riista.fi/riistahallinto/sahkoinen-asiointi/

Lassedieđut:

Sami Tossavainen, Fuođđohoavda, Suoma fuođđoguovddáš
029 431 2304, [email protected]