Lappi guvllolaš fuođđoráđi čoahkkái bovdemis 20.3.2020 háleštalle gáiddusoktavuođain ovddit meahcástanbaji ollašuvvan ealganáli geahpedeamis, áli dilis ja ealgga dahkan vahágiin.
Guvllolaš fuođđoráđđi ásahii giđđat 2018 mihttomeriid ealganáli dikšumii golmmajagiáigodahkii 2018-2020 Lappi ovcci ealgadoalloguvlui. Mihttomeriid ollašuvvama čuvvot ovttasbarggus čanusjoavkkuiguin jahkásaččat. Ásahuvvon mihttomearregaskkaid čuvvon ealganálli Lappis lea 12 863–17 491 ealgga, gaskamearálaččat sulaid 15 000 ealgga.
Árvvoštallamiid ealganáli sturrodagas ja ráhkadusas buvttada Luondduváriidguovddáš. Meahcástanbaji 2019-2020 maŋŋá ealganálli lei njiedjan ovddit jagi sulaid 21 700 ealggas sulaid 20 400 elgii. Ealgadálloguovlluid mielde ealganálli lei 2018 ásahuvvon mihttomearregaskkain viđa ealgadoalloguovllus, bajábealde njealji ealgadoalloguovllus (EDG 2, 5, 6 ja 8). Ealganáli ráhkadus lea Lappis buori dásis. Rávis ealggaid sohkabealleráhkadus čuovvu váldooassái mihttomeari: eanemustá 1,5 njiŋŋálasa ovtta varris ealgga ala. Mihttomeari bajábealde leat čielgasamosit Posios ja Ranuas edg-guovllus 9.
Suoma vuovdeguovddáža mielde jagi 2019 áigge buhttejuvvon meahccevahágat ledje 108 175 euro ja vahágiid buhttema vuođđun lei vahátviidodat 713 hektára, go dávisteaddji logut ovddit jagi ledje 296 530 euro ja 1350 há. Lappi jagi 2019 buhttenohcamušaid árvvoštallojuvvon viidodagas 48 proseantta ledje Nuorta-Sámi ealgadoalloguovllus 6. Ealgalihkohisvuođaid mearri johtalusas lei EBI-guovddáža statistihka mielde 2019 Lappis 172 bártti, go jagi 2018 guovllus ledje 116 bártti.
Čanusjoavkkuid oainnuid mielde ealganáli galgá čuohppat čuovvut mihttomeriid ealgadoalloguovlluin, main leat nállemihttomeriid bajábealde, vai sáhttá geahpedit eandalii dáid guovlluid vuovde- ja johtalusvahágiid. Lappi guvllolaš fuođđoráđi mielde Luondduváriidguovddáža ollašuhttán girdinrehkenastimat leat boahttevuođasge dehálaččat dárkilmastit Lappi nálleárvvoštallamiid, maiddái laktása eahpesihkkarvuođat Lappi viidodaga dáfus viiddis guovlluin. Vássán dálvvi áigge Luondduváriidguovddáš rehkenasttii ealggaid helikopterrehkenastingirdimiin Soađegilis ja Roavvenjárggas.
Lassidieđut:
Jari Huhtamella
Lappi guvllolaš fuođđoráđi sj.
tel. 040 7025 302
Eerojuhani Laine
Fuođđoplánejeaddji
Tel. 029 431 2124
Suomen riistakeskus on itsenäinen julkisoikeudellinen laitos, joka edistää kestävää riistataloutta, tukee riistanhoitoyhdistysten toimintaa ja huolehtii riistapolitiikan toimeenpanosta sekä vastaa sille säädetyistä julkisista hallintotehtävistä.
© Koodiviidakko Oy - Y-tunnus 1939962-1