EMMA – Espoo modearna dáidaga museas rahppojuvvo gaskavahku 12.9.2018 govvadáiddár Outi Pieski vuosttaš viiddes museačájáhus, man namma lea Čuolmmadit. Pieski oassálastá iežas dáiddálaš bargguin sápmelaš kultuvrii laktáseaddji ságastallamii. Čájáhus lea oassi Suoma Dáiddaakademiija bálkkašumi, mii mieđihuvvui Pieskii 2017.
Čájáhusa namma Čuolmmadit čujuha teknihkkii, man Outi Pieski geavaha iežas dáidagis. Čájáhusa guovddáš bargu lea stuorra birasdáidda Čohkiideapmi, mas adno sápmelaš duodjeárbevierru ja mii lea rissojuvvon. Bargu čujuha sihke materiála ja hámi beales liidnái, mii adno gávttiin. Dán lassin čájáhusas leat málagovat, čuovgagovat ja litografiijat.
Guovddáš temán čájáhusas leat sámiid historjá ja boahtteáigi, eamiálbmogiid vuoigatvuođat, gaskavuohta lundui ja lassin bistevaš ovdáneapmi. Pieski dutká čálekeahtes historjá, nu ahte son adná fiidnát ja bienalaččat duddjojuvvon duoji stuorra gažaldagaid suokkardeapmái.
Iešguđegelágan kollektiiva bargoproseassat leat dáiddárii dehálaččat. Guokte čájáhusa bargollislašvuođa, Rájácummá ja Moratoriadoaimmahat, Pieski lea ráhkadan ovttasbarggus dáiddár-aktivista Jenni Laitiin ja diktačálli-musihkkár Niillas Holmbergiin. Moratoriadoaimmahat bargá dáidaga ja aktivismmarádjáguovllus ja dat fállá čovdosiid ja dieđu vieris válddi botkema várás. Dasa lassin Pieski lea dutkan ovttas arkeologa Eeva-Kristiina Harliniin sámenissoniid ládjogahpira, mii lea juo báhcán anus eret, historjá.
“Ládjogahpirárbevieru ealáskahttinbargu čuvge sámenissona eallinfámu ja dekolonialisttalaš dásseárvvu jurdaga. Sápmelaš duojis lea seilon máttarvánhemiid sihke geavatlaš ja eallinoidnui laktáseaddji diehtu ja dáidu” (davvisámegielat jorgalus Arla Magga), dáiddárOuti Pieski lasiha.
Suoma Dáiddaakademiija bálkkašupmi mieđihuvvo juohke nuppi jagi govvadáiddárii, gii bargá aktiivvalaččat ja lea riikkaidgaskasaččat geasuheaddji. Dasa lassin bálkkašupmái gullá ovdanbuktin, man EMMA buvttada. Dat boahtá vuovdimassii maŋŋeleappos. Ovdal Pieski bálkkašumi leaba ožžon Tuomas A. Laitinen ja Camilla Vuorenmaa.
Outi Pieski (r. 1973) lea oassálastán máŋggaide joavko- ja ovttaskas olbmo čájáhusaide erenomážit Davviriikkain, muhto maiddái Eurohpás ja Davvi-Amerihkás.Čohkiideapmi (Falling Shawls) -bargu lei oaidninládje Southbank Centres Londonis jagi 2017. Dáiddára iežas čájáhusat leat leamašan oaidninládje ee. Kristin Hjellegjerde Gallerys Londonis ja galleria Korjaamos Helssegis. Pieski lei jagi 2015 evttohassan Ars Fennica bálkkašupmái.
Outi Pieski ovddasta jagi 2019 Suoma Venetsia biennálas Miracle Workers -kollektiivva oassin. Kollektiivva vuođđudanlahtuide gullet Pieski lassin kuráhtor Bonaventure Soh Bejeng Ndikung, veahkkekuráhtorat Giovanna Esposito Yussif ja Christopher Wessels ja lassin birasplánejeaddji Lorenzo Sandoval.
Pieski barggut lea máŋga mearkkašahtti čoakkáldagas, ee. Dáládáidaga museas Kiasmas, Norgga stáhta čoakkáldagain, Jenny ja Antti Wihuri foandda čoakkáldagain ja stuorimus sámedáidaga čoakkáldagas Sámiid Vuorká-Dávvirat – De Samiske Samlinger.
Outi Pieski: Čuolmmadit
12.9.2018 – 6.1.2019
Preassagovat: https://kuvat.emma.museum/kuvat/Lehdistokuvat-Press/Outi+Pieski/
Sisabeassansátni: emmamuseum
Lassedieđut:
Pilvi Kalhama, museahoavda, EMMA – Espoo modearna dáidaga musea,
[email protected], 040 533 4070
Antti Linnovaara, Suoma dáiddaakademiija sátnejođiheaddji,
[email protected], 040 559 972
Milja Liimatainen, čájáhusa kuráhtor, amanuensa, EMMA – Espoo modearna dáidaga musea,
[email protected], 043 825 2600
Jearahallanbivdagat:
Iia Palovaara, gulahallankoordináhtor, EMMA – Espoo modearna dáidaga musea,
[email protected], 043 826 8713
EMMA – Espoo modearna dáidaga musea čoakkáldat- ja čájáhusdoaibma fátmmasta eanaš ruovttueatnama ja riikkaidgaskasaš modernismma, dáládáidaga ja designa. EMMA lea Näyttelykeskus WeeGees Espoos Tapiolas, betoŋŋaarkitektuvrra mearkaráhkkanusas, man professor Aarno Ruusuvuori lea plánen. Čájáhuslanjaid viidodat lea Suoma stuorámus, ja oktageardánahtton modearna arkitektuvra doarju EMMA, Saastamoisen säätiö ja Tapio Wirkkala Rut Bryk Säätiö čoakkáldagaid ja lassin molsašuddi čájáhusaid vásáhuslaš ovdanbuktima. EMMA lea Jagi musea 2018. Bures boahtin!
#emmamuseum
© Koodiviidakko Oy - Y-tunnus 1939962-1