Eanan- ja meahccedoalloministeriija lea odne almmustuhttán diimmá čavčča ordnejuvvon boazojearahallama bohtosiid. Bohtosiid mielde mearkkašahttimus hástalusa boazodollui dagaha bohccuid guođoheapmi ilá lahka orrunbáikkiid. Seammas jearahallan čájehii boazodoalu mávssolašvuođa turismma ja davvi guovlluid ealaskasvuođa dáfus.
Buohkaide rabas fierbmejearahallan gártii oaiviliid boazodoalus ja dan stivremis ja dasa ožžojuvvojedje badjel 3300 vástádusa. Viiddes oasseváldin buvttii ovdan áššiid, mat bohciidahtte ságastallama boazodoalus. Vejolašvuođat ja hástalusat kommenterejuvvojedje eatnat.
Jearahallamii vástideddjiid mielde boazodoalu deháleamos vejolašvuođat oidnojuvvojedje čuovvovaččat:
- turisttaide stuora vasáhus ja turismma geasuhusdagaldat
- bohccobiergu ja buktagat, mat ožžojuvvojit bohccobierggus leat earenoamážat ja allašlájagat
- boazodoallu veahkeha davvi bieđggooruunguovlluid bissut ealasin
Jearahallama mielde stuorimus hástalusat bealisteaset ledje:
- bohccuid guođoheapmi ilá lahka orrunbáikkiid
- johtalusvahágat, main bohccot leat oasálažžan
- birrasa suvdinnákca, dego boazoguohtoneatnamiid gollan ja dálkkádatrievdan
Rabas fierbmejearahallan čájeha áššis beroštuvvan olbmuid oaivilii, muhto dat ii buvttat statistihkalaš dieđu. Almmolaš jearahallamii bastá vástidit namaheapmin (anonyman), goas dássedettolaš váldosa sihkkarastin ii leat vejolaš.
Jođánis joatkkadoaibmabidjun árvvoštallanlávdegotti nuppástus
Eanan- ja meahccedoalloministeriija oažžu oaiviljearahallamis buori materiála joatkkabargui ja láhkaásaheami gárgeheapmái. Ministeriija árvvoštallá boazodoallolága ollisvuođa, masa gullet maid johttáhuvvon dutkanfidnu, mii guoská boazoguohtoneatnamiid ortnega, ođđa eallit guđđojuvvon bohccuid eanemusmeari mearrideapmi sihke earret eará álgoálbmogiid vuoigatvuođat.
Dasa lassin ministeriijas leat válmmaštallagoahtán árvvoštallanlávdegotti nuppástusa boazodoallolága mielde. Sierra láhkafidnu álggahuvvo juo dáláš ráđđehusbajis ja ollašuhttojuvvo jođánis áigedávvaliin. Nuppástusain lea ulbmil čielggasmahttit bohccuid dagahan vahágiid árvvoštallama ja buhtadusriidduid čoavdima buncaraggáid.
Fierbmejearahallama čoahkkáigeassu (liŋka)
Lassidieđut eanan- ja meahccedoalloministeriijas:
ráđđádalli virgeolmmoš Tapani Sirviö t. 0295 16 2077 (boazodoalu stivren)
láhkaásahanráđđi Johanna Wallius t. 029516 2244 (láhkaásaheapmi mii guoská árvvoštallanlávdegotti)
ovdanamma.goargu(at)mmm.fi
© Koodiviidakko Oy - Y-tunnus 1939962-1